INFORME DE PROGRESOS 13 XANEIRO 2.005

     Por fin se aprobóu a candidatura de Vigo por parte da Asociación Española de Fantasía, Ciencia-Ficción e Terror (AEFCFT) e de Simetría (Associação Portuguesa de Ficção Científica e Fantástico) para que o Colectivo Nemo de Fantasía e Ciencia-Ficción organice a IberCon.

     Como dato importante dos progresos, pódese destacar que CaixaNova concedeu que a IberCon se celebre na súa instalación, e que será nas datas 28, 29, 30 e 31 de outubro e 1 de novembro do 2005.  O CaixaNova é o centro cultural de máis solera e prestixio de Vigo, situado no mesmo centro da cidade.  No auditorio CaixaNova deron conferencias tanto Zapatero como Rajoy, e na sala de conferencias falóu xente de tanto prestixio como o presidente da Audiencia Nacional e o famoso economista Manuel Castells.  Temos que pensar que é dificíl atopar unha figura do mundo da cultura que non pasara polo Caixanova.

     Por tanto, Vigo contará cun marco inigualable para a celebración dunha IberCón que vai marcar historia porque suporá a unión da HispaCon cos Encontros portugueses.  Algo que dará moito que falar nos vindeiros meses.

     O Colectivo Nemo de Fantasía e Ciencia-Ficción quere recoñecer que a posibilidade de organiza-la IberCon na cidade de Pontevedra coa colaboración de entidades como o Pazo da Cultura ou o Cine-Clube Pontevedra era tan boa coma a posibilidade da cidade de Vigo que finalmente foi escollida.